GitHub orqali ulash va avtomatik deploy

ZIP faylni qayta-qayta yuklash o'rniga, bot kodini GitHub'dagi repozitoriyga ulab qo'yishingiz mumkin.

Ulash

Bot yaratishda yoki keyinroq Sozlamalar → Umumiy bo'limida GitHub repozitoriy havolasini (https://github.com/foydalanuvchi/repo) va ixtiyoriy branch nomini (bo'sh qoldirilsa main) kiriting. Faqat ochiq (public) repozitoriylar qo'llab-quvvatlanadi — yopiq (private) repo havolasi berilsa, tizim tushunarli xato bilan rad etadi (repozitoriyni ochiq qiling yoki ZIP orqali yuklang).

Har safar "Qayta joylash" (redeploy) tugmasini bossangiz, tizim repozitoriyning eng so'nggi holatini yuklab, 6 qoida va xavfsizlik bo'yicha qayta tekshiradi.

Avtomatik deploy (webhook)

Pro va Business tariflarida har safar main branch'ga (yoki tanlangan branch'ga) push qilinganda bot avtomatik qayta joylanadi — qo'lda "redeploy" bosishning hojati yo'q.

Sozlash

1. Bot sahifasida Sozlamalar bo'limiga o'ting — GitHub repo bog'langan bo'lsa, "GitHub auto-deploy" kartasida tayyor havola (Webhook URL) ko'rasiz.
2. Havolani nusxalang.
3. GitHub'da repozitoriyingizga o'ting: Settings → Webhooks → Add webhook.
4. Payload URL maydoniga nusxalangan havolani qo'ying.
5. Content type — application/json.
6. Which events — faqat push hodisasini tanlang.
7. Add webhook tugmasini bosing.

Shundan keyin har bir push avtomatik ravishda: kodni tortib olish → 6 qoida + xavfsizlik tekshiruvi → build → smoke-test → agar hammasi joyida bo'lsa, jonli botni yangi versiyaga almashtirish (promote) zanjirini ishga tushiradi. Tekshiruv 🔴 chiqsa, joriy ishlab turgan versiya o'zgarishsiz qoladi — sayt "buzilib qolish" xavfisiz.

Keyingi qadam

Webhook havolasi har bir botga xos va maxfiy — uni ochiq joyga qo'ymang. Deploy jarayoni haqida: Tekshiruv natijasini o'qish. Tarif imkoniyatlari: Tariflar.